Fromagerie Schmalen
D’Fromagerie
Schmalen an der klenger Lëtzebuerger Schwäiz zu Bäerdref - landeswäit bekannt
fir hire Berdorfer Kéis - stellt zanter 1984 Qualitéitsprodukter mat Mëllech
aus der eegener Produktioun hir. D'Spezialitéit vum Haus ass de Roude Bouf - ee
Kéis dee säi Charakter no 6 laange Wochen entwéckelt. Dëse Klassiker gëtt et a
verschiddene Geschmaacher a Gewürzer, zum Beispill Peffer oder Trüffelen.
Am Haffbuttik fënnt een och eng grouss Auswiel u Geessekéis, Jughurt, Quark an hausgemaachte Glacen. Fir jidderee dee gäre lokal Spezialitéiten an engem authenteschen a perséinleche Kader wëll entdecken.