Kanton
Réiden
De Kanton
am Portrait
De Kanton Réiden ass am Norde vu Lëtzebuerg. Mat enger Fläch vun 267 km² an 21 442 Awunner (2025) huet en eng niddreg Bevëlkerungsdicht an ass staark ländlech gepräägt. De Kanton Réiden gëtt dacks de Wëlle Westen vu Lëtzebuerg genannt.
Beim Napoleongaart, Heeschpelt, Gemeng Groussbus-Wal
D'Landschaftsbild
De Kanton ass Deel vun den Ardennen a vum Guttland a bitt mat Schifersteen, Sandsteen a faarwegem Sandsteen eng geologesch Villfalt. D’Flëss Sauer an Atert prägen d’Landschaft. Am Norden bestécht de Kanton duerch seng héich a scheinbar onendlech Koppen, am Süde mat sénge molereschen Däller a liicht hiwweleger Landschaft.
Bei Biekerech, Gemeng Biekerech
Geschicht
Eng fréi Präsenz vu Réimer am Kanton beweist ee réimescht Mosaik, dat zu Viichten entdeckt gouf an haut am Nationalmusée an der Stad Lëtzebuerg ausgestallt ass.
D'mëttelalterlech Ierwe gesäit ee gutt un der Buerg Useldeng.
Iwwert Joerhonnerten konnt sech de Kanton Réiden duerch Handel, Landwirtschaft an Handwierk entwéckelen. D'Ueleg- an d'Käremillen hunn eng wichteg Roll fir sain Opschwong gespillt.
D'Beckericher Millen an d'Leekoll zu Uewermaartel weisen d’wirtschaftlech Entwécklung am Kanton an engem authentesch ländleche Kader.
De Kanton Réiden ass och d'Gebuertsplaz vum Nicolas Grang, deen Enn vum 19. Joerhonnert bei den Expeditiounen vum Henry Morton Stanley an de Kongo mat derbäi war. Zu Bëschrued ass haut nach eng Strooss no him benannt.
Buerg Useldeng, Gemeng Useldeng
Viichten, Gemeng Viichten
Beckericher Millen, Gemeng Beckerich
De Jhangeli, Nidderpallen, Gemeng Réiden
Kultur
De Kanton Réiden ass räich un Traditiounen. Dat lokaalt Gedrénks Maitrank - een alt Rezept bestoend aus lëtzebuerger Wäisswäin, Cognac a Waldmeister - gëtt a ville Caféën an op de lokale Fester haut nach fir seng stëmmungsophellend Wierkung zerwéiert.
D'Kropemannfest, wat all Joer zu Réiden stattfennt, ass e folkloristescht Element vun der kantonaler Identitéit. De Kropemann ass der Legend no e Wiesen, wat Kanner an d'Pëtzer zitt. Des Legend gouf erzielt fir d'Kanner vum Waasser fort ze halen.
De Kanton Réiden ass d'Gebuertsplaz vun enger Schlësselfigur vun der europäescher Politik, dem Jean-Claude Juncker, dem laangjärege Premierminister vu Lëtzebuerg a fréiere President vun der Europäescher Kommissioun.
Statu vum Kropemann vum Jef Claerhout, Réiden un der Attert, Gemeng Réiden un der Atert
Attraktiounen
Haut entdecken d'Visiteure Schlässer a Buerge wéi d’Buerg Useldeng, d’Schlässer Kolpech an Turelbaach an uereg Dierfer wéi Biekerech, Randschelt an Ueschdref.
Déi fréier Zuchstreck Janglisbunn, gouf an eng Vëlospist ëmgewandelt an ass haut eng flott Fräizäitaktivitéit am Kanton.
Randschelt, Gemeng Groussbus-Wal
Colpech, Gemeng Ell
Turelbaach, Gemeng Groussbus-Wal