Musée Dräi Eechelen
De Musée Dräi Eechelen um Kierchbierg an der Stad Lëtzebuerg weist d’Geschicht an d’Bedeitung vun der Festung Lëtzebuerg am Kontext vun der Entwécklung vun der Stad, dem Grand-Duché a senger kultureller Identitéit. Objeten, Modeller a Konschtwierker weisen d’Roll vun den europäesche Muechten am Land – vum Mëttelalter bis an d’Modern Zäit.
Eng ideal Plaz fir d’Geschicht vun der Festung an dem Grand-Duché an engem authentesche Kader kennenzeléieren.
Nationalmusée um Fëschmaart
Den Nationalmusée um Fëschmaart an der Stad Lëtzebuerg weist op iwwer 6.000 m² den archeologeschen, historeschen a kënschtleresche Patrimoine vum Land. Hei kann een d’Geschicht vu Lëtzebuerg vun der Steenzäit bis haut entdecken. D’Ausstellunge sinn an thematesch Parcoursen opgedeelt a ginn duerch reegelméisseg temporär Ausstellungen ergänzt.
Eng onëmgänglech Adress fir d’Geschicht vu Lëtzebuerg hautno z’erliewen.
Kasematten
D’Kasematte vun der Stad Lëtzebuerg bilden e grousst Netzwierk vun ënnerierdesche Galerien, dat en Deel vun der fréierer Verteidegungsanlag war. Si goufen am 17. Joerhonnert ënnert spuenescher Besatzung gebaut a goufen iwwer zwee Joerhonnerten ausgebaut, ënner anerem vum franséischen Ingenieur Vauban. Op hirem Héichpunkt hunn si sech iwwer 23 km erstreckt a si bis zu 40 Meter déif gaangen, wat dozou bäigedroen huet datt d’Stad als „Gibraltar vum Norden“ bekannt gouf. No der Neutraliséierung vu Lëtzebuerg am Joer 1867 gouf e groussen Deel zerstéiert. Zënter 1994 stinn d’Alstad an hir Festungsanlagen op der UNESCO-Weltierfschaftslëscht.
Nieft de Bock-Kasematte kann een och d’Péitruss-Kasematte entdecken an an déi ënnerierdesch Welt vun der Haaptstad andauchen.
Naturmusee
Den Naturmusée am Gronn (Stad Lëtzebuerg) huet déi gréisst Sammlung un naturgeschichtlechen Exponaten am Land. Seng permanent an temporär Ausstellunge gi spannend Ablécker an d’Natur, d’Wëssenschaft an d’Diversitéit vun der Äerd. Mat interaktive Statiounen, Atelieren an Eventer kënnen d‘Visiteusen an d’Visiteuren eng grouss Villfalt u Theme ronderëm d’Naturgeschicht an d’wëssenschaftlech Entdeckunge gesinn.
Eng inspiréierend Adress fir d’Räichtum vun der Natur an d’Aarbecht hannert der wëssenschaftlecher Fuerschung (déi zum Deel am Musée selwer gemaach gëtt) besser ze verstoen.